Espectro Dorado é unha creación de
@martaverdebaqueiro e
@jose_venditti , un dúo de artistas que levan desenvolvendo xunt
@s performances audiovisuais desde 2015. No seu traballo exploran os límites da melodía e o ruído, harmonía e tensión, repetición e aleatoriedade, nun exercicio de equilibrio entre composición e libre improvisación. Na maioría dos seus proxectos fixeron especial foco na exploración das experiencias místicas ou espirituais que atravesaron os seres humanos ao longo da historia.
Tanto xuntos como individualmente presentaron traballos e proxectos artísticos en espazos e eventos como Museo Nacional Reina Sofía, Teatro Circo Price, Festival In Sonora, L.E.V, Festival Mira, Centro Cultural Conde Duque, Espazo Fundación Telefónica, La Casa Encendida, Círculo de Bellas Artes, Media Lab Prado, SEMINCI de Valladolid, Tabakalera Donosti, Festival Volumens, Festival Internacional de Arte Sonoro de Montevideo, Museo de la Memoria de Montevideo (Uruguai), Heritage Space en Hanoi (Vietnam) e Sonic Dreams Festival (Irlanda).
Espectro Dorado é unha obra que se presenta en formato de performance audiovisual, cunha posta en escena que conta con proxecións executadas en tempo real e música e son xerado en directo.
No plano visual e lumínico utilízanse imaxes e texturas controladas e / ou xeradas en tempo real por
@martaverdebaqueiro a través de diversas técnicas, como a programación, gravacións de campo, ou material pre-producido con técnicas analóxicas, dixitais e mesmo ferramentas de IA. No plano sonoro / musical,
@jose_venditti traballa con múltiples instrumentos de percusión dourados, fabricados en latón, sintetizador modular e saxofóns procesados.
O obxectivo primordial desta obra é capturar a experiencia iniciática que os nosos devanceiros e antigas culturas experimentaron ao atopar ou descubrir o ouro nas súas diversas formas, moito antes de que fose asociado ao poder e á riqueza. A través desta performance búscase trasladar ao público esa mesma fascinación e conexión primixenia, convidándoos a redescubrir o significado. espiritual do dourado.
@espacio_vacio___ #lugomola #lugomegusta #novasmusicas #improvisacion #audiovisuais
📍Capela Sta Mª
